amérika süriyediki y p g / p k k térrorchilirini meshiq qildurushni bashlidi
amérika alahide qisimliri süriyening sherqiy shimalidiki haseke wilayitide yene yüzligen y p g / p k k térrorchisigha qoral meshiq qildurushni bashlidi.
1742601
türkiye awazi radiyosi xewiri: yerlik menbelerdin igiligen uchurlargha qarighanda, amérika alahide qisimliri 28- noyabir 70 eskerni firatning sherqidiki y p g / p k k térrorchilirigha qoral meshiq qildurush üchün iraq iraq arqiliq hasekege yollighan.
teshkilatning ishghaliyiti astidiki haseke wilayitining sherqiy shimalidiki amérika hawa armiye bazisi jaylashqan rumeylan bazirigha yétip barghan amérika eskerliri, 12- ayning 1- künidin étibaren bu yerdiki yüzligen y p g / p k k térrorchisigha qoral meshiq qildurushni bashlighan.
texminen bir ay dawamlishidighan bu meshiq jeryanida térrorchilargha, yénik, ottura we éghir tipliq qorallarni ishlitish, kentlerge hujum qilish we singip kirish usulliri emeliy chüshendürülidiken.
meshiqtin kéyin, térorchilarning bir qisimi hasekediki sheddadi nahiyesi nahiyesi bilen deyruzzurdiki ömer néfitlikige ewetilidiken, qalghan térrorchilarbolsa, rumeylanda qalidiken.
daésh térrorluq teshkilatigha qarshi birleshme küchlerning sépidin orun alghan amérika bilen firansiye buningdin ilgirimu firat deryasining sherqidiki haseke we deyruzzur tewelikidiki y p g / p k k térrorchilirigha her xil herbiy meshiqlerni qildurghanidi.
hasekediki bir qisim amérika baziliridin bashqa, abduleziz téghi we tenterbiye meydani rayoni bilen deyruzzurdiki ömer néfitliki meshiq rayonigha aylandi.
ilgiriki meshiqlerde, qoral ishlitish, uchquchisiz ayropilan (uchquchisiz ayropilan) teripidin békitilgen orunni igilesh usulliri, zembirek étish, boshluqtin sekresh we bazilargha hujum qilishning aldini élish usulliri térrorchilargha emeliy ijra qilinip chüshendürülgenidi.
hasekediki amérika ayropilanlirining qonush – qozghilish yoli rolini oynawatqan tenterbiye rayonidimu y p g / p k k térrorchilirigha ayropilandin sekresh meshiqliri qildurulghanidi.
süriyediki amérikaning himayiside heriket qiliwatqan firansiye eskerliri bolsa, y p g / p k k térrorchilirini zembirek ishlitishni meshiq qildurghanidi.
shundaq qilip amérika bashchiliqidiki birleshme küchler, 2015 – yilidin buyan minglarche y p g / p k k térrorchisini meshiq qildurghanidi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.