blinkén irandin yadro kélishimige qaytishini telep qildi

türkiye awazi radiyosi xewiri: amérika qoshma ishtatliri tashqi ishlar ministiri antoni blinkén, shiwétsiyening paytexti stolholmda chaqirilghan yawropa bixeterlik we hemkarliq teshkilatining 28 – nöwetlik tashqi ishlar ministirliri kéngishi yighini esnasida, rusiye tashqi ishlar ministiri sérgéy lawrow we israiliye tashqi ishlar ministiri yair lapid bilen körüshkendin kéyin, axbarat élan qilish yighini ötküzdi, hemde bu yerde qilghan sözide, uchrishishlarda, iran heqqide muzakiriler élip bérilghanliqini, iranning  2015-yili imzalanghan yadro kélishimige qaytishi üchün muzakirilerge qatniship qatnashmaydighanliqining 2 kün ichide melum bolidighanliqini eskertish bilen bir waqitta, iranning wéyanna muzakirilirige menilik bir shekilde qatnishishi üchün yenila pursiti barliqini qeyt qildi.

rusiyening yéqinqi heptilerde ukraina chégrasida barghanséri zoriyiwatqan herbiy paaliyetliridinmu qattiq endishe qiliwatqanliqlirini eskertken blinkén, mundaq dédi: «rusiye, yéqinqi heptilerde ukraina chégrasigha herbiy qisimlirini orunlashturmaqta, biz ukrainaning musteqilliqi we igilik hoquqini qollaymiz, bu kirizisning diplomatik yollar arqiliq hel qilinishini ümid qilimiz, kirizisni hel qilish yolida her ikki terep bilenmu körüshüshke teyyarmiz, ukrainaning rusiyege herqandaq shekilde tehdit shekillendürgenlikige ishenmeymiz.»