б д т баш иштаби алдида қораллиқ җинайәт гумандари тәслим болди

түркийә авази радийоси хәвири: бирләшкән дөләтләр тәшкилати баш иштабиниң 42-йкочиниң кириш еғизида қораллиқ икәнлики көрүлгән җинайәт гумандари сәвәбидин 1- йол қатнашқа тақалди.

бирләшкән дөләтләр тәшкилати аманлиқ сақлаш қисмиму, бина сиртидики «бихәтәрлик әһвали» түпәйли, барлиқ хизмәтчи - хадимлар, дипломатлар вә журналистларға бинадин айрилмаслиқ тоғрисида агаһландуруш бәрди.

бирләшкән дөләтләр тәшкилати баш катипи байанат ишлири ишханиси тәрипидин елан қилинған байанатта, нийу йорк сақчи идарисиниң қораллиқ җинайәт гумандари билән сөһбәт өткүзгәнлики, уда бирқанчә саәт давамлашқан сөһбәттин кейин, җинайәт гумандариниң тәслим болғанлиқи билдүрүлди.

нийу йорк сақчи идариси тәрипидин елан қилинған байанатта, җинайәт гумандариниң назарәт астида икәнлики вә хәтәрлик әһвалниң өтүп кәткәнлики әскәртилди.

қатнашқа тақалған йол, җинайәт гумандариниң сақчиларға тәслим болушидин кейин ечилди, һәмдә бина әтрапидики қаттиқ бихәтәрлик тәдбирлири бикар қилинди.