иран ғәрб дөләтлиридин йахши нийитини көрситишни тәләп қилди

иран әгәр ғәрб дөләтлири «йахши нийити» ни көрсәтсә, австрийәниң пайтәхти вийеннада өткүзүлүватқан йадро сөһбитидә келишим һасил қилиниши мумкинликини елан қилди.

1741832
иран ғәрб дөләтлиридин йахши нийитини көрситишни тәләп қилди

түркийә авази радийоси хәвири: иран ташқи ишлар министири һүсәйин әмир абдуллаһйан твиттер адресида һәмбәһирлигән учурида, иран билән вийеннадики йадро келишимигә қатнашқан тәрәпләр оттурисидики сөһбәт үстидә тохталди.

у абдуллаһйан иранға вакалитән сөһбәткә қатнашқан баш музакирәчи вә муавин ташқи ишлар министири әли бакири билән һәр күни алақилишип туруватқанлиқини, сөһбәтниң әстайидил вә ембарголарни бикар қилиш қатарлиқ асаслиқ муһим нуқтиларға мас һалда илгириләватқанлиқини билдүрди.

у: «әгәр ғәрб йахши нийитини көрсәтсә, келишим һасил қилғили болуши мумкин. биз әқилгә мувапиқ, өлчәмлик вә нәтиҗини асас қилған дийалог тәләп қилимиз »деди.

иран билән йадро келишимигә қатнашқан тәрәпләр оттурисидики келишимни әслигә кәлтүрүш вә американиң келишимгә қайтиши музакирә қилинған 7-айланма сөһбәт 29-нойабир (2021) аридин бәш ай өткәндин кейин қайтидин башланған иди. йавропа иттипақиниң маслаштуруши астида, русийә, хитай, әнглийә, фирансийә вә германийә қатнашқан сөһбәтләргә, 2018-йили бир тәрәплимә һалда келишимдин чекинип чиққан америка васитилик қатнашмақта.



مۇناسىۋەتلىك خەۋەرلەر