amérika: xitay rayondiki sürkilishni kücheytiwatidu

amérika qoshma ishtatliri xitayning awazdinmu téz qoral – yaraghlargha munasiwetlik izdinishining «rayondiki sürkilishni kücheytiwetkenliki» ni bildürdi.

1741973
amérika: xitay rayondiki sürkilishni kücheytiwatidu

türkiye awazi radiyosi xewiri: amérika qoshma ishtatliri dölet mudapie ministiri loyd astin, jenubiy koréyening paytexti séuldiki dölet ishliri ziyariti dairiside, jenubiy koréye dölet mudapie ministiri suh wok bilen bir yerge jem boldi.

xitayning awazdinmu téz qoral – yaraghlargha munasiwetlik izdinishining «rayondiki sürkilishni kücheytiwetkenliki» ni eskertken astin, amérika qoshma ishtatlirining xitay shekillendürüwatqan yoshurun tehditlerning aldini élish üchün dawamliq tirishidighanliqini qeyt qildi, xitayning herbiy imkaniyetlirige qarita endishilirining barliqini, shunga, xitayning amérika qoshma ishtatlirigha we ittipaqdashlirigha qarita yoshurun tehditke qarshi mudapie körüsh we taqabil turush iqtidarini üzlüksiz dawamlashturidighanliqlirini tekitlidi.

jenubiy koréye dölet mudapie ministiri suh bilen shimaliy koréye shekillendürgüsi tehditler we türlük mesililer heqqide muzakire élip barghanliqlirini éytqan astin, shimaliy koréyening bashqurulidighan bomba we bashqa qoral-yaragh pirogrammilirining rayon bixeterlikini téximu muqimsizlashturidighanliqi mesiliside birdeklik hasil qilghanliqlirini eskertti.

jenubiy koréye dölet mudapie ministiri suh bolsa, jenubiy koréye bilen shimaliy koréye we amérika qoshma ishtatliri otturisidiki ilgiriki wedilerge asaslinidighan diplomatiye we diyalogning, koréye yérim arilida uzaq mezgillik tinchliq ornitilishi üchün shert ikenlikini qeyt qildi.



مۇناسىۋەتلىك خەۋەرلەر