йапонийәниң асаслиқ өктичи партийәсиниң рәисликигә изуми кента сайланди

йапонийәдики асаслиқ өктичи, «асасий қанун демократлар партийәси» ниң рәисликигә партийәниң сийасәт директори изуми кента сайланди.

1741297
йапонийәниң асаслиқ өктичи партийәсиниң рәисликигә изуми кента сайланди

түркийә авази радийоси хәвири: сабиқ рәис едано йукийо парламент омумий сайлимида уттуруп қойғанлиқи түпәйли истепа бәргәнликини җакарлиғандин кейин, асасий қанун демократлар партийәсиниң рәислик сайлими өткүзүлди.

партийә ичидики сайламда ғәлбә қилған изуми сайламдин кейинки нутқида: «инсанни мәркәз қилған сийасәтләрни нишан қилған вә һәммәйлән үчүн хизмәт қилидиған партийә болуш сүпитимиз билән,  пүтүн күчимизни ишқа селип, кәлгүсигә қарап илгириләйдиғанлиқимизға ишинимән» деди.

47 йашлиқ изуми әслидә дөләтниң шималидики хоккайдодин болуп, ташқи сийасәт вә йадро енергийиә күчи саһәлиридә «әмәлийәтчил усул» ға чақириқ қилиш билән тонулған иди.

авам палатасида уда 8 қетим әзалиқ вәзиписи өтигән изуми, асасий қанун демократлар партийәсини 2022-йили 7-айда өткүзүлидиған мәслиһәтчиләр мәҗлиси (сангийин) сайлимиға тәййарлимақчи.

 



مۇناسىۋەتلىك خەۋەرلەر