amérika xitay bilen bolghan qoral riqabitining uzundin buyan dawamlishiwatqanliqini bildürdi

amérikaning xitay bilen uzundin buyan dawamliship kéliwatqan hipersonik (awazdinmu téz) qorallarni wujudqa chiqirish riqabiti barliqi otturigha qoyuldi.

1741283
amérika xitay bilen bolghan qoral riqabitining uzundin buyan dawamlishiwatqanliqini bildürdi

türkiye awazi radiyosi xewiri: amérika hawa armiyesi qomandani firank kéndal, engliye xewer agéntliqi — réytirgha bayanat bérip, amérika bilen xitay otturisida sanini köpeytishni emes, süpetni yuqiri kötürüshni nishan qilghan bir qoral - yaragh riqabitining barliqini we bu riqabetning uzundin buyan dawamliship kéliwatqanliqini éytti.

kéndal yene, qorallinish riqabitide xitaylarning bekla chektin ashuruwetkenlikini, emma amérikaning bu qilmishqa qarita yéterlik qedemlerni tashlimighanliqini otturigha qoydi.

amérika taratqulirining, yazda xitayning hipersonik bomba siniqi qilghanliqi toghrisidiki xewerliri amérika mudapie ministirliqi — péntagonning oghisini qaynatqanidi.

amérika alem boshluqi qisimlirining bir yuqiri derijilik générali bu heqte toxtilip, hipersonik qorallar mesiliside amérikaning xitay we rusiyening xélila arqisida ikenlikini ilgiri sürgenidi.

amérika alem boshluqi armiyesi générali dawid tompsonmu: «biz hipersonik pirogrammilar jehette xitaylar yaki ruslardek ilghar emes, emma amérika téz sürette yitishiwélishqa tirishmaqta» dégenidi.

 


خەتكۈچ: #uyghurche , #qoral , #xitay , #amérika

مۇناسىۋەتلىك خەۋەرلەر