америка хитай билән болған қорал риқабитиниң узундин буйан давамлишиватқанлиқини билдүрди

американиң хитай билән узундин буйан давамлишип келиватқан һипәрсоник (аваздинму тез) қоралларни вуҗудқа чиқириш риқабити барлиқи оттуриға қойулди.

1741283
америка хитай билән болған қорал риқабитиниң узундин буйан давамлишиватқанлиқини билдүрди

түркийә авази радийоси хәвири: америка һава армийәси қомандани фиранк кендал, әнглийә хәвәр агентлиқи — рейтирға байанат берип, америка билән хитай оттурисида санини көпәйтишни әмәс, сүпәтни йуқири көтүрүшни нишан қилған бир қорал - йарағ риқабитиниң барлиқини вә бу риқабәтниң узундин буйан давамлишип келиватқанлиқини ейтти.

кендал йәнә, қораллиниш риқабитидә хитайларниң бәкла чәктин ашурувәткәнликини, әмма американиң бу қилмишқа қарита йетәрлик қәдәмләрни ташлимиғанлиқини оттуриға қойди.

америка таратқулириниң, йазда хитайниң һипәрсоник бомба синиқи қилғанлиқи тоғрисидики хәвәрлири америка мудапиә министирлиқи — пентагонниң оғисини қайнатқаниди.

америка аләм бошлуқи қисимлириниң бир йуқири дәриҗилик генерали бу һәқтә тохтилип, һипәрсоник қораллар мәсилисидә американиң хитай вә русийәниң хелила арқисида икәнликини илгири сүргәниди.

америка аләм бошлуқи армийәси генерали давид томпсонму: «биз һипәрсоник пирограммилар җәһәттә хитайлар йаки руслардәк илғар әмәс, әмма америка тез сүрәттә йитишивелишқа тиришмақта» дегәниди.

 



مۇناسىۋەتلىك خەۋەرلەر