rusiyening ukrainagha qilidighan her qandaq hujumining bedili bolidu

nato bash katipi stolténbérg rusiyening ukraina chégrasidiki herbiy paaliyetlirini endishe ichide közitiwatqanliqlirini bildürüp: «rusiyening ukrainagha qilidighan her qandaq hujumining bedili hemde siyasiy we iqtisadiy aqiwetliri bolidu» dédi.

1740761
rusiyening ukrainagha qilidighan her qandaq hujumining bedili bolidu

türkiye awazi radiyosi xewiri: nato bash katipi stolténbérg tünügün (2021-yili 29-noyabir) 30-noyabir we 1-dékabir künliri nato tashqi ishlar minstirliri yighini ötküzülidighan létoniye paytexti rigada, pirézidént égils léwits (Egils Levits) körüshti we ortaq axbarat élan qilish yighini uyushturdi.

u ikki künlük yighinda, rusiyening ukraina chégrasidiki herbiy paaliyetliri, bélarusiyedin polsha, létoniye we litwaniyege ötüshni saqlap turuwatqan kiishlerning ehwali qatarliq mesililerning muzakire qilinidighanliqini eskertip, bélarusiye hökümitining köchmenlerdin paydiliniwatqanliqini we buning rayon muqimliqigha ziyan salghanliqini qeyt qildi.

u ukraina-rusiye chégrasidiki weziyetni yéqindin we endishe ichide közitiwatqanliqlirini bildürüp, sözini mundaq dawamlashturdi: «rusiye bu yil (2021) herbiy qisimlirini rayongha ikkinchi qétim keng kölemde burunqigha oxshimaydighan shekilde yighdi. bu yerde éghir tipliq qorallar, zembirekler, uchquchisiz hawa apparatliri we éléktronluq urush sistémiliri bilen minglarche urushqa teyyar eskerlerni körüwatimiz. bu herbiy qisimlar sewebsiz we chüshenche bérilmigen halda u yerde turuwatidu. bu ehwal jiddiychilikni kücheytip,  chotni xata soqush éhtimalliqini kücheytmekte. rusiyening ukrainagha qilidighan her qandaq hujumining bedili hemde siyasiy we iqtisadiy aqiwetliri bolidu. rusiye ochuq-ashkara bolup, jiddiychilikni peseytishi kérek.»

u baltiq rayonida natoning mewjudiyitini kücheytish toghrisida pilan bar-yoqluqi soaligha: «rusiye 2014-yili qirimni qanunsiz bésiwalghandin kéyin, nato rayonda mewjutluqini kücheytti. soghuq urush axirlashqandin kéyinki kolléktip mudapiemizni eng chong kölemde toluqlash ishini yéqinqi yillarda emelge ashurduq. natoning esker sanini üch hesse köpeytip 40 minggha chiqarduq. bu küch zörür tépilghanda, qisqa waqit ichide ewetilidu» dep jawab berdi.

u natoning shimaliy amérika we yawropaning ittipaqi ikenlikini xatirilitip, rayonning dunyawi tehditler we her xil sinaqlargha duch kéliwatqanliqini, xitayning yüksélishi bilen dunya küch tengpungluqining özgergenlikini, bularning yéngi istratégiyelik uqum höjjetliri ichidin orun élishi kéreklikini tekitlidi.


خەتكۈچ: #kolléktip mudapie , #nato

مۇناسىۋەتلىك خەۋەرلەر