gérmaniye ukraina mesiliside rusiyeni agahlandurdi
gérmaniye tashqi ishlar ministiri xéyko maas, rusiyening ukrainagha qaritilghan her qandaq tajawuzchiliq üchün éghir bedel tölishi kéreklikini éytti.
türkiye awazi radiyosi xewiri: maas rigadiki shimaliy atlantik ehdi teshkilati — nato tashqi ishlar ministirliri yighini we stokholmdiki yawropa bixeterlik we hemkarliq teshkilati ministirlar kéngishi yighinidin ilgiri yazma bayanat élan qildi.
her ikki yighinda ukrainagha munasiwetlik özgirishlerning muhim téma bolidighanliqigha isharet qilghan maas, dölitining rusiyening ukraina chégrasidiki herbiy paaliyetliridin chongqur endishe qiliwatqanliqini bildürdi.
u, ukrainaning sherqidiki urush toxtitishqa xilapliq qilish qilmishliri we yawropa bixeterlik we hemkarliq teshkilati közetküchiler ömikining tosqunluqqa uchrishining jiddiychilikni peseytishke töhpe qoshmighanliqini eskertti.
shunglashqimu bügün nato tashqi ishlar ministirliri yighinida ukrainagha munasiwetlik weziyetning yene bir qétim tepsiliy muzakire qilinididighanliqini tilgha alghan maas: «natoning ukrainani qollishi toxtap qalmaydu. ukrainaning musteqilliqi, zémin pütünlüki we igilik hoquqini detalash témisi qilishqa bolmaydu. her qandaq tajawuzchiliq yüz berse, rusiye uning üchün bedel tölishi kérek» dégenlerni qeyt qildi.
ministir maas, jiddiychilikni peseytish üchün semimiy we menggülük tedbir qollinishning muhimliqini tekitlep, rusiye bilen körüshüsh üchün ishiklerning ochuq ikenlikini éytti.
u yene, nato yighinida afghanistan weziyitiningmu etrapliq muzakire qilinidighanliqini bildürdi.
مۇناسىۋەتلىك خەۋەرلەر
filippin bixeterlik qisimliri daéshqa zerbe bérish herikiti élip bardi
filippin bixeterlik qisimliri daésh bilen chétishliqi bar 12 térrorchini ujuqturghanliqini uqturdi.