абдуллаһйан: иран – түркийә мунасивәтлирини көп тәрәплимилик тәрәққий қилдуруш қарар қилинди
иран ташқи ишлар министири һүсәйин әмир абдуллаһйан җумһур рәис рәҗәп таййип әрдоған билән иран пирезиденти ибраһим рәийсиниң учришишида икки дөләт мунасивәтлирини көп тәрәплимилик тәрәққий қилдурушниң қарар қилинғанлиқини билдүрди.
түркийә авази радийоси хәвири: абдуллаһйан тивиттер һесабидики байанатида, түркмәнистанда өткүзүлгән иқтисадий һәмкарлиқ тәшкилатиниң 15- нөвәтлик башлиқлар йиғини даирисидә, җумһур рәис әрдоған билән ибраһим рәийси оттурисидики учришиш һәққидә мәлумат бәрди.
абдуллаһйан түркийә вә иран президентлириниң учришишиниң интайин достанә вә сәмимий кәйпийатта өткүзүлгәнликини тәкитләп, «мунасивәтләрни көп тәрәплимилик тәрәққий қилдуруш қарар қилинди. икки дөләт оттурисидики мунасивәтләр тарихий әһмийәткә игә. икки рәһбәр һөрмәтлик әрдоғанниң теһранға қилидиған зийарити җәрйанида алий кеңәш (түркийә-иран йуқири дәриҗилик һәмкарлиқ кеңиши) йиғини чақиришқа қошулди» деди.
иқтисадий һәмкарлиқ тәшкилатиниң 15- нөвәтлик башлиқлар йиғиниға қатнишиш үчүн түркмәнистанға йетип кәлгән җумһур рәис әрдоған вә иран пирезиденти ибраһим рәийси йиғин даирисидә ахбаратқа йепиқ һалда учришиш елип барған иди.
