дунйа мусулман өлималар бирлики бир қисим әрәб дөләтлирини қаттиқ әйиблиди

дунйа мусулман өлималар бирлики бир қисим әрәб дөләтлириниң исраилийә билән болған мунасивәтләрни нормаллаштуруш үчүн ташлиған иттипақ қәдәмлирини қаттиқ әйибләйдиғанлиқини елан қилди.

1739699
дунйа мусулман өлималар бирлики бир қисим әрәб дөләтлирини қаттиқ әйиблиди

түркийә авази радийоси хәвири: баш катип әли қарадағиниң имзаси билән дунйа мусулман өлималар бирлики тәрипидин елан қилинған йазма байанатта, бир қисим әрәб дөләтлириниң исраилийә билән ташлиған «иттипақлиқ вә әмәлий қәдәмләр» қаттиқ әйиблинип, диний җәһәттин «һарам» дәп баһа берилди.

байанатта, «дунйа мусулман өлималар бирлики болуш сүпитимиз билән, әрәб бирләшмә хәлипилики вә маракәш қатарлиқ бир қисим дөләтләрниң ишғалийәтчи зионистлар билән болған иттипақдашлиқини әйибләймиз. бу һәрикәт диний җәһәттин һарам болуп, һәзрити өмәрниң аманнамисиға вә пәләстин хәлқиниң һәқ - һоқуқиға қилинған хийанәттур » дейилди.

исраилийә билән әрәб бирләшмә хәлипилики вә бәһрәйин оттурисида 2020-йили 15-сентәбир ақсарайда өткүзүлгән мурасимда мунасивәтләрни нормаллаштуруш келишими имзаланған иди.

хартум һөкүмитиму әйни вақиттики америка пирезиденти доналд трампниң суданни «терорлуқни қоллайдиған дөләтләр» тизимликидин чиқириветиши бәдилигә, 2020-йили 23-өктәбирдә исраилийә билән болған мунасивәтни нормаллаштуруш  қарари мақуллиған иди.

судандин кейин, маракәшму 2020-йили 10-дикабирда исраилийә билән болған мунасивәтләрни нормаллаштуруш тоғрисида келишим һасил қилған иди.

 



مۇناسىۋەتلىك خەۋەرلەر