pelestin azadliq teshkilati marakeshni eyiblidi

pelestin azadliq teshkilati marakeshning israiliye bilen bixeterlik kélishim layihesi imzalishini eyiblidi.

1739566
pelestin azadliq teshkilati marakeshni eyiblidi

türkiye awazi radiyosi xewiri: pelestin azadliq teshkilati ijraiye komitéti teripidin élan qilinghan yazma bayanatta, israiliye dölet mudapie ministiri bénni gantizning, marakesh ziyariti esnasida, ikki döletning bixeterlik saheside kélishim layihesi imzalishigha naraziliq bildürüldi.

islam hemkarliq teshkilatining quddus ishliri komitétining reislik wezipisini ötewatqan marakeshning, pelestin xelqige qarita irqchiliq siyasetlirini yolgha qoyuwatqan israiliye bilen «bundaq xeterlik qedemni bésishi» ning kütülmeywatqanliqi tekitlengen bayanatta, israiliye bilen bixeterlik saheside imzalanghan kélishim layihesining, ereblerning milliy bixeterliki we menpeetige xilap ikenliki eskertilish bilen bir waqitta, marakesh hökümitidin, bu kélishim layihesidin waz kéchishi telep qilindi.

israiliye dölet mudapie ministiri bénni gantizning 24 – 25 – noyabir künliri marakeshke qilghan ziyaritide, ikki dölet otturisida istixbarat,  dölet mudapiesi sanaiti, bixeterlik we maarip qatarliq sahelerde hemkarliq kélishim layihesi imzalanghanidi.



مۇناسىۋەتلىك خەۋەرلەر