австиралийәдә мүшүкләрниң кочиға чиқиши чәкләнди

австиралийәниң викторийа, җәнубий австиралийә иштатлири вә пайтәхт әтрапидики районларда мүшүкләрниң кочиға чиқиши чәкләнди.

1739356
австиралийәдә мүшүкләрниң кочиға чиқиши чәкләнди

түркийә авази радийоси хәвири: австиралийәниң викторийа, җәнубий австиралийә иштатлири вә пайтәхт әтрапидики районларда мүшүкләрниң кочиға чиқиши чәкләнди. мәзкур бәлгилимә бу иштатларда пүтүн күн күчкә игә.

бәзи районларда мүшүкләрниң кочиға чиқишини чәкләш бәлгилимиси кечә саәтлиридә иҗра қилиниду. мүшүкләр пәқәт саһиблириниң өйидә әркин кәзсә болиду.

бәлгилимигә асасланғанда, кочиға чиққан мүшүкләр йиғивелинидикән. саһиблири 125 австиралийә доллири җәриманә төлисә, қайтуруп берилидикән.

һайвансөйәрләр қарарға наразилиқ билдүргән болсиму, мәсул даириләр һайванларға чәклимә қойулмиғанлиқини илгири сүрди.

қарар билән, йәрлик йавайи һайванларни қоғдаш ва қошнидарчилиқ мунасивәтлирини йахшилашниң мәқсәт қилинғанлиқи билдүрүлди.

австиралийәдә 3 милйон 800 миң өй мүшүки бар болуп, буларниң бир күндә 1 милйон 200 миң қушни өлтүридиғанлиқи қәйт қилинмақта.


خەتكۈچ: #мүшүк

مۇناسىۋەتلىك خەۋەرلەر