jonson bilen makron qalaymiqan köch toghrisida kélishti

türkiye awazi radiyosi xewiri:  engliye bash weziri boris jonson bilen firansiye pirézidénti makron mansh déngizida köchmenler olturghan qolwaqning chöküp kétishi netijiside, eng az dégende 31 köchmen jénidin ayrilghandin kéyin, qalaymiqan köchni toxtitishqa ehmiyet bérish toghrisida kélishti.

engliye bash wezirlik mehkimisining 10-nomurluq ishxanisining bayanatida bildürülishiche, rehberler téléfon söhbitide qalaymiqan köch mesilisini muzakire qilghan.

bash wezir boris jonson bilen pirézidént makron, «ejellik ötüshlerning aldini élish üchün ortaq tirishchanliq körsitishni tézlitish, hemde amalning bariche kishilerning hayatini xeterge ittirishke jawabkar qara guruhlarni tosush üchün mumkinchiliki bolghan ishlarning hemmisini qilish» mesililiride pikir birliki hasil qildi.

rehberler mesilini ünümlük hel qilish üchün bélgiye, gollandiye shundaqla qitediki bashqa döletler bilen yéqindin hemkarlishishning muhimliqini bildürüp, «échinishliq ölümler» ning,  bu ejellik ötüshlerni toxtitish we jinayet shaykilirigha zerbe bérish üchün barliq tallashlarni üstelde saqlap qélishning hayatiy ehmiyetke ige ikenlikini yene bir qétim körsitip berdi.

firansiyedin mansh déngizi arqiliq engliyege barmaqchi bolghan we qalaymiqan köchmenler olturghan bir qolwaqning chöküp kétishi netijiside, eng az dégende besh ayal we bir kichik qiz balini öz ichige alghan 31 qalaymiqan köchmen jénidin ayrilghan idi.

firansiye pirézidénti makron bayanat élan qilip, yawropa ittipaqini «köch mesilisi» toghrisida derhal toplinishni chaqiriq qilghan idi.

u yawropa ittipaqi chégra bixeterlik agéntliqi frantéks (Frontex) ning imkaniyetlirini derhal kücheytish kéreklikini eskertip, «firansiye mansh déngizining mazarliqqa aylinishigha ruxset qilmaydu» dégen idi.

weqedin kéyin, munasiwetlik töt kishi tutuldi.