хитай америка һәрбий парахотиниң тәйвән боғузидин өткәнликигә наразилиқ билдүрди

хитай американиң башқурулидиған бомба орунлаштурулған һәрбий парахотиниң тәйвән билән игилик һоқуқ ихтилапи бар тәйвән боғузидин өткәнликигә наразилиқ билдүрди.

1737917
хитай америка һәрбий парахотиниң тәйвән боғузидин өткәнликигә наразилиқ билдүрди

түркийә авази радийоси хәвири: хитай ташқи ишлар министирлиқи байанатчиси җав лиҗйән байанат елан қилип, америка парахотлириниң һәрикәт әркинликини баһанә қилип күч көрситиватқанлиқини вә районда җиддийчилик пәйда қилишқа урунуватқанлиқини илгири сүрди.

у америка парахотиниң һәрикити тоғрисида тохтилип: «бу әркинлик вә очуқ болуш пиринсипиға әмәл қилиш әмәс, бәлки қәстәнлик билән районниң тинчлиқи вә муқимлиқини бузушқа урунуштур» деди.

америка деңиз армийәси 7-филотиниң байанатида, «арлей бурк дәриҗилик башқурулидиған бомба орунлаштурулған <USS Milius>  намлиқ парахот 23-нойабир хәлқара қанунға асасән тәйвән боғузидики хәлқаралиқ деңиз тәвәликидә даимлиқ чарлаш мәшғулати қилди» дейилди.

парахотниң тәйвән боғузидин өтүшиниң, американиң әркин вә очуқ һинди-тенч окйан пиринсипиға әмәл қилидиғанлиқини көрситип беридиғанлиқи әскәртилгән байанатта йәнә мундақ дейлди: «америка қораллиқ қисимлири хәлқара қанун йол қойған җайларда давамлиқ учиду, йәлкән ачиду вә һәрикәт қилиду»

 тәйвән вә тәйвән боғузини өзиниң игилик һоқуқи дәп қарайдиған хитай, американиң бу райондики һәрбий мәвҗутлуқиға қарши чиқмақта.

америка деңиз армийәсиниң райондики чарлаш вә разветка паалийәтлири икки дөләт оттурисидики зиддийәтниң өткүрлишишигә сәвәб болмақта.



مۇناسىۋەتلىك خەۋەرلەر