yawropa ittipaqi sayahet belgilimirige özgertish kirgüzüshni oylashmaqta

yawropa ittipaqi yéqinqi mezgillerde barghanséri köpiyiwatqan wuxen wirusi (Kovid-19) weqeliri sewebidin eza döletler yolgha qoyghan oxshimighan tedbirlerni maslashturushqa we sayahetlerge munasiwetlik belgilimilerge özgertish kirgüzüshke teyyarliq qilmaqta.

1737424
yawropa ittipaqi sayahet belgilimirige özgertish kirgüzüshni oylashmaqta

türkiye awazi radiyosi xewiri: yawropa parlaménti omumiy kéngishi strazburgda toplinip, yawropa ittipaqida wuxen wirusigha munasiwetlik weqelirining köpiyishi we eza döletlerning oxshimighan sewiyelerde chingitqan tedbirlerni özara maslashturushni muzakire qildi.

yawropa ittipaqi komitétining sehiye ishlirigha mesul ezasi stélla  kyriyakidés (Kyriakides): «bu mesilide bölünüshning aldini élishimiz lazim» dédi.

yawropa ittipaqining waba mezgilide sayahetlerni asanliq yaritish üchün teyyarlighan «dijital kowid kénishkisi» belgilimisi, 2021-yili 1-iyul ijra qilinishqa bashlanghan idi. yawropa ittipaqi türkiyening waksina kénishkisini 19-awghust (2021) étirap qilghan idi.

ikki shishe biyonték-fayzér, modérna, astrazénéka, jonson we jonson waksinalirini emletken we emletkinige ikki hepte bolghan kishilerge kénishke bérilidu.

yawropa ittipaqi döletliri yéqinqi mezgillerde barghanséri köpiyiwatqan wuxen wirusigha munasiwetlik weqeler sewebidin cheklimilerni chingitishqa bashlidi.

sayahetlerge cheklime qoyush teklipler arisida yoq, emma bezi döletlerdiki sirtqa chiqishni cheklesh qararliri we wabaning köpiyishining sayahetlerge tesir körsitidighanliqi qeyt qilinmaqta.



مۇناسىۋەتلىك خەۋەرلەر