беларусийә-полша чеграсидики мусапирлар лагерларни бошатти

беларусийә-полша чеграсида йавропа бармақчи болған мусапирлар чегра бойида қурған лагерларни пүтүнләй бошитип, беларусийә чеграси ичигә қурулған лагерға йөткәлди.

1736004
беларусийә-полша чеграсидики мусапирлар лагерларни бошатти

түркийә авази радийоси хәвири: беларусийә гродно шәһирдики чегра бойида йавропаға бармақчи болған мусапирлар түнүгүн (2021-йили 18-нойабир) орманлиқларда вә чегра еғизлирида өз күчигә тайинип қурған лагерлардики әшйалирини топлиди.

көпинчиси ирақтин болуп, сүрийә, афғанистан, иран вә башқа асийа һәмдә африқа дөләтлиридин кәлгән мусапирлардин аилиси барлири дәсләптә лагерлардин айрилди. қалған аз сандики мусапирларниң кәч тәрәптә лагерлардин айрилиши билән, полша чеграсиға йеқин болған җайлар пүтүнләй қуруқдалди.

беларусийә дөләт чегра комитети чегра нуқтилиридики лагерлар пүтүнләй бошитилғанлиқи үчүн, бу җайларда мухбирларниң хизмәт қилмайдиғанлиқини, уларниң мусапирлар орунлашқан мәркәзләрдә хизмәтлирини давамлаштуридиғанлиқини билдүрди.

беларусийә пирезиденти лукашенкониң буйруқи бойичә брузги чегра еғизидики мәркәзләгә орунлаштурулған мусапирларға, тиббий йардәм, йемәк-ичмәк, су, дизинфексийә буйумлири, йотқан, көрпә вә әдийал қатарлиқ йардәмләр тарқитилди.

мусапирларниң 10 күндин буйан соғуқ һавада чедирларда турғандин кейин, мәркәзләрдики үсти йепиқ лагерларға тез йөткилиши диққәт қозғиди.

беларусийә пирезидентлиқ мәһкимисиниң байанатчиси наталйа ейсмонт (Natalya Eysmont) беларусийә тәвәсидә 7 миң әтрапида мусапирниң барлиқини, полша-беларусийә чеграсидики лагерларда болса тәхминән 2 миң мусапирниң барлиқини؛ 200 дин 500 гичә болған мусапирниң беларусийәниң йавропаға тутишидиған башқа чегра нуқтилирида икәнликини билдүрди.

 



مۇناسىۋەتلىك خەۋەرلەر