yaponiye bilen filippin pütüshti
yaponiye bilen filippin «erkin we ochuq hindi-tinch okyan» istiratégiyesi mesiliside pütüshti.
türkiye awazi radiyosi xewiri: yaponiye bash weziri kishida fumio filippin pirézidénti rodrigo dutérté bilen sinliq körüshüp, tereplik we rayonluq özgirishler heqqide muzakire élip bardi.
kishida, xitay déngiz armiyesining paaliyetliri köpiyip ketken sherqiy xitay déngizi we jenubiy xitay déngizining hazirqi salahiyitining özgertiwétilishige qarita bir tereplimilik teshebbuslargha qetiy qarshi ikenliklirini qeyt qildi.
filippin pirézidénti rodrigo dutérté, öktebirning axiridiki omumiy saylamda ghelbe qilghanliqi munasiwiti bilen kishidani tebriklidi.
körüshüshte, dutérté bilen kishida, «erkin we ochuq hindi-ténch okyan» istiratégiyesini emelge ashurushta hemkarliqni yenimu ilgiri sürüsh mesiliside birdeklik hasil qildi.
ikki rehber, ikki tereplik ittipaqdashliq munasiwetlirini kücheytishning zörürlüki, ikki döletning diplomatiye we dölet mudapie ministirliri otturisida ikki tereplik söhbetning bashlinishi heqqide özara pikir almashturdi.
igilinishiche, eger ikki tereplik söhbet bashlansa, filippin yaponiye qerellik halda ikki tereplik söhbet élip baridighan toqquzinchi dölet bolidiken.
tokyo hökümiti, nöwette amérika qoshma ishtatliri, awistiriyaliye, engiliye, firansiye, gérmaniye, hindistan, hindonéziye we rusiye bilen ikki tereplik söhbet ötküzmekte iken.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.