burkina fasodiki térrorluq hujumida jénidin ayrilghanlar sani ashti
burkina fasoning shimalida 14-noyabir (2021) yüz bergen armiye hujum nishani qilinghan térrorluq hujumida, jénidin ayrilghanlarning sani 53 ke chiqti.
türkiye awazi radiyosi xewiri: burkina faso uchur-alaqe ministiri we hökümet bayanatchisi qusséni tambora shimaldiki herbiy qisimlargha qilinghan térrorluq hujumlirida 49 esker we töt puqraning jénidin ayrilghanliqini bildürdi.
burkina faso ministirlar kéngishi tünügün (2021-yili 17-noyabir) qarar chiqirip, ikki yuqiri derijilik qomandanni wezipisidin qaldurdi.
burkina faso pirézidénti roch mark kristiyan kabor(Roch MarcChristian Kabore) térrorluq weqesidin kéyin, üch künlük matem élan qilghan idi.
burkina fasoning qoshna dölet malidiki el qaide térrorluq teshkilati we daéshqa chétishliq térrorluq guruppilar, 2015-yildin tartip burkina fasoning shimaliy we sherqide pat-pat hujum weqelirini peyda qilmaqta.
burkina faso qoshnisi nigér bilen birlikte herbiy heriket qozghighan bolsimu, maligha jaylashqan térrorluq teshkilatlirining küchini ajizlitalmidi.
b d t melumatlirida bildürülishiche, bu yil (2021) ning deslepki mezgilliride 17 ming 500 kishi yurt-makanliridin ayrilip, chet ellerde panahlinishqa mejbur bolghan.
