polsha musapirlar kirizisining qoralliq toqunushqa aylanmaydighanliqini bildürdi
bélarusiye-polsha chégrasida yawropagha ötüp ketmekchi bolghan köchmenlerning bir qismi chégra éghizidin ormanliq ichidiki lagérgha qaytip keldi. yene bir qismi bolsa, kéchini tang atquzush üchün teyyarlanghan merkezge qaytti.
türkiye awazi radiyosi xewiri: bélarusiyening grodno (Grodno) shehiridiki bruzgi (Bruzgi) chégrasida, köpinchisi iraqtin wiza élip bélarusiyege barghan we yawropagha bérish üchün polsha chégrasidin ötmekchi bolghan musapirlar, chégradin ötüsh nuqtisidin ayrildi.
bélarusiye pirézidénti aléksandir lukashénko grodno waliy mehkimisige chégradikilerning kéchini ötküzüshi üchün bir üsti yépiq jay teyyarlashqa buyruq chüshürdi.
bélarusiye tekshürüsh komitéti chégradiki musapirlar bilen polsha xewpsizlik küchliri otturisida yüz bergen sürkilishtin kéyin, rayonda tekshürüshni bashlidi.
bélarusiye dölet chégra komitéti: «polsha xewpsizlik küchlirining qoralsiz kishilerge alahide qoral-yaragh ishletkenliki royxetke élindi» dep bayanat élan qildi.
iraq tashqi ishlar ministirliqining menbeliride körsitilishiche, bélarusiye-polsha chégrasigha barghan 170 kishi dölitige qaytish üchün iraqning minsktiki elchixanisigha iltimas qilghan we 55 kishining tranzit ötüshi üchün pasport bérilgen.
b d t bélarusiye-polsha chégrasida yawropagha barmaqchi bolghan musapirlargha qarshi küch ishletmeslikni chaqiriq qildi.
b d t bash katipi bayanatchiliridin farxan haq kündilik axbarat élan qilish yighinida, polsha xewpsizlik küchlirining chégradiki musapirlargha yash aqquzush bombisi étip, bésimliq su chachqanliqi toghrisida toxtalghanda, hazirche buni toghriliyalmighanliqini, biraq bundaq muamile qilishning xata ikenlikini bildürdi.
polsha muawin bash ministiri we hakimiyettiki qanun we adalet partiyesining bashliqi jaroslaw kajziniski (Jaroslaw Kaczynski), polsha-bélarusiye chégrasidiki musapirlar kirizisi qoralliq toqunushqa aylanmaydu, dep qaraydighanliqini bildürdi.
u polsha-bélarusiye chégrasidiki sürkilishning dawamlishiwatqanliqini bildürüp: «sürkilishler dawamlishiwatidu, emma qorallar ishlitilgen urush hazirche yoq» dédi.
u chégradiki yirikchiliklerning uzun waqittin buyan dawamlishishi mumkinlikini, bélarusiyening musapirlargha yardem qilghanliqi toghrisidiki bayanatlarning emeliyetke uyghun emeslikini tekitlidi.
مۇناسىۋەتلىك خەۋەرلەر
misir tashqi ishlar ministiri türkiyede ziyarette bolidu
misir tashqi ishlar ministiri samih shükri hepte axirida türkiyede dölet ishliri ziyaritide bolidu.
