yaponiye qisimliri somalining déngizida déngiz qaraqchilirigha qarshi turush wezipe mudditini uzartti
yaponiyening özini qoghdash qisimliri SDF somalining déngiz tewelikidiki déngiz qaraqchilirigha qarshi turush guruppisining wezipe ötesh mudditini uzartishni qarar qildi.
türkiye awazi radiyosi xewiri: yaponiyening döletlik taratqusi NHK ning xewirige asaslanghanda, ministirlar kéngishi somalining shimalidiki aden qoltuqida déngiz qaraqchilirigha qarshi turush wezipisini ijra qiliwatqan yaponiye qisimlirining wezipe ötesh mudditini bir yil uzartishni testiqlighan.
maqullanghan qararda, rayonda wezipe ötewatqan yaponiye qisimliri SDF xadimliri saniningmu köpeytilidighanliqi uqturulghan.
qararda yene, déngiz qaraqchiliqini keltürüp chiqarghan namratliqqa oxshash asasliq seweblerning hel qilinmighanliqi we bir qisim soda paraxotlirining yaponiye qisimliridin qoghdighuchi telep qilghanliqi bildürüldi.
yene bir tereptin, sina yérim arilidiki dölet halqighan tinchliq saqlash qismliri dairisidiki yaponiyening qisimliri SDF xadimliriningmu wezipe ötesh mudditining 1 yil uzartilishi qarar qilinghanliqi élan qilindi.
