iranda 12 yawropa dölitining istémal miqdarigha teng tebiiy gaz ishlitilidu
iran muawin néfit ishliri ministiri mejit chegini iranda istémal qilinidighan tebiiy gaz miqdarining 12 yawropa dölitining istémal miqdarigha teng kélidighanliqini éytti.
türkiye awazi radiyosi xewiri: iran muawin néfit ishliri ministiri mejit chegini iran téléwiziyeside bayanat élan qilip, tebiiy gaz bilen teminleshte 3-orunda turidighan iranning, amérika, rusiye we xitaydin qalsila énérgiyeni eng köp istémal qilidighan dölet ikenlikini bildürdi.
chegini mundaq dédi:
«dölitimizde istémal qilinidighan tebiiy gaz miqdari yawropadiki 12 bay döletke barawer. bu nisbet bizning énérgiye, bolupmu tebiiy gaz istémaligha bolghan endishimizning néme üchün éshiwatqanliqini körsitip béridu.»
chegini iranda jemiy 25 milyon abontning barliqini we kündilik istémal qilinghan tebiiy gaz miqdarining bulturqigha sélishturghanda 90 milyon kub métir éship, 480 milyon kub métirgha yetkenlikini eskertip, bu wejidin istansisilargha cheklime qoyulghanliqini we éksport qilinidighan tebiiy gaz miqdarinimu azaytidighanliqlirini bildürdi.
