макрон фирансийәниң йеңи йадро електр истансиси қуридиғанлиқини елан қилди
фирансийә пирезиденти еммануел макрон өз дөлитиниң енергийә саһәсидә мустәқил болушиға капаләтлик қилиш үчүн аридин нәччә он йил өткәндин кейин йадро електр истансиси қуридиғанлиқини ейтти.
түркийә авази радийоси хәвири: макрон аммиға қилған хитабнамисида, ковид-19 йуқуми вә иқтисадқа даир сөз қилди.
макрон дөләт ичидә муназирә вә зораванлиқ намайишиға сәвәб болған пинсийә ислаһати хизмитини қайтидин башлаш үчүн керәклик шараитларниң һазирланмиғанлиқини билдүрди.
дөләт ички бихәтәрликигә аит бир қанун лайиһәсиниң тәййарланғанлиқини билдүргән макрон бу арқилиқ сақчиларға техиму көп пурсәт йаритип беридиғанлиқини ейтти.
макрон фирансийәниң енергийә саһәсидики мустәқилиқиға капаләтлик қилиш үчүн аридин нәччә он йил өткәндин кейин йадро електр истансиси қурушни қарар қилғанлиқини тәкиитләп, сиҗил енергийә селинмилириниңму давамлишидиғанлиқини билдүрди.
макрон дөлитиниң 2030-йилғичә нурғун саһәләргә 30 милйард йавро мәбләғ салидиғанлиқини тәкитлиди.
фирансийәниң маарип, санаәт вә деһқанчилиқ саһәсидә «чоң күч» икәнликини намайан қилалайдиғанлиқини тилға алған макрон, дунйаниң нурғун районлири муқимсизлашқан вә күчләр бир-биригә қарши робиру туришиватқан мәзгилдә фирансийәниң 2022-йилиниң бешида, йавропа иттипақиниң нөвәтчи рәисликини үстигә алидиғанлиқини уқтурди.
макрон ковид -19 сағламлиқ иҗазәтнамисиниң йолға қойулуши билән йуқумға қарши үнүмлүк күрәш қилинғанлиқини ейтти.
йуқумдин еһтийат қилиш керәкликини ипадилигән макрон техичә ваксина әмләнмигән 6 милйон кишини ваксина әмлинишкә чақириқ қилди.
