pakistan hökümiti pakistan talibanliri bilen urush toxtitish kélishimi hasil qildi

türkiye awazi radiyosi xewiri: pakistan mehelliy taratquliri, pakistan uchur we neshriyat ishliri ministiri chawdri fewad hüseyinning, pakistan talibani bilen hökümet otturisidiki söhbet toghrisida paytext islamabadta axbarat élan qilish yighini achqanliqini xewer qildi.

hüseyin, bash ministir imran xanning 10-ayning 1-küni pakistan talibanliri bilen söhbet ötküzülgenliki toghrisidiki bayanatini tilgha élip, söhbetning shu waqitta bashlanghanliqini, ikki terepning shertsiz urush toxtitishqa qoshulghanliqini éytti.

afghanistandiki taliban hökümitining söhbette mohim rol oynighanliqini bayan qilghan hüseyin, pakistan talibanliri teshkilati bilen hökümet otturisidiki söhbetning pakistan asasiy qanuni we munasiwetlik qanunlar boyiche bolidighanliqini eskertti.

u, urush toxtitishning qanchilik dawamlishidighanliqi toghrisida uchur bermigen bolsimu, emma söhbetning ilgirilishige qarap uning mudditini uzartqili bolidighanliqini éytti.

pakistan talibanliri teshkilati urush toxtitish toghrisida téxi bayanat élan qilmidi.

pakistanning 2014-yilidin buyanqi pakistan talibanlirigha qarshi élip barghan herbiy herikitide 700 din artuq esker hayatidin ayrildi, 5 mingdin artuq térrorchi öltürüldi.