нигердики бир мәктәптә от апити йүз берип алтә йаштин төвән 25 бала қаза қилди

түркийә авази радийоси хәвири: нигер таратқулириниң хәвиригә қариғанда маради райони валийси чайбо әбубакар, тәййарлиқ синипта оқуватқан бәш – алтә йаш арилиқидики 25 балиниң от апитидә һайатидин айрилғанлиқини билдүргән.

әбубакар, вәқәдә бәш нәпириниң әһвали еғир болуп җәмий 14 оқуғучиниң йариланғанлиқини, дөләт миқйасида бүгүндин башлап 3 күнлүк матәм елан қилинғанлиқини елан қилған.

от апитиниң йүз бериш сәвәби ениқ болмисиму, дәрсханилар саман билән қоршалған болғачқа, отниң тез тарқалғанлиқи билдүрүлгән.

дунйаниң әң намрат дөләтлириниң бири болған нигерда йағач материйаллар билән саман арилаштуруп йасалған дәрсханиларниң көп икәнлики илгири сүрүлмәктә.