гиретсийә: түркийә билән иҗабий дийалог орнитишни халаймиз

гиретсийә ташқи ишлар министири никос дендиас дөлитиниң түркийә вә түркийә хәлқи билән иҗабий дийалог орнитишни халайдиғанлиқини ейтти.

1729075
гиретсийә: түркийә билән иҗабий дийалог орнитишни халаймиз

түркийә авази радийоси хәвири: гиретсийә ташқи ишлар министири никос дендиас, силовенййә дипломатийә министири анзе логар билән атинада көрүшкәндин кейин өткүзүлгән қошма ахбарат елан қилиш йиғинида, гиретсийә – силовенийә мунасивәтлиридин сирт йәнә, шәрқий ақдеңиздики өзгиришләр вә түркийә һәққидә тохталғанда, түркийә вә түркийә хәлқигә қарита йаман нийәтлик әмәсликлирини илгири сүрүп, мундақ деди: «гиретсийә түркийә хәлқи билән дийалог орнитишни арзу қилмақта, чүнки түркийә хәлқиниң көп қисми һазирму йавропа билән бир гәвдилишиш вә өзгичә бир хил басқучниң ишқа ашурулушини халайдиғанлиқиға ишәнмәктә.»

гиретсийәниң һәрдаим иҗабий позитсийә тутуп келиватқанлиқини илгири сүргән дендиас, йавропа иттипақиниңму иттипаққа әза болушни йаки йавропа иттипақи билән йахши мунасивәт орнитишни халайдиған дөләтләргә, хәлқара қанун вә йавропаниң қанун – бәлгилимилиригә һөрмәт қилиши лазимлиқи тоғрулуқ очуқ сигнал беришиниң зөрүрлүкини қәйт қилди.



مۇناسىۋەتلىك خەۋەرلەر