yemen hökümiti köchmenler üchün 5 yéngi lagér quridighanliqini élan qildi
yemen hökümiti toqunush sewebidin köchüshke mejbur bolghan minglighan kishiler üchün marib wilayitide 5 yéngi lagér quridighanliqini élan qildi.
türkiye awazi radiyosi xewiri: yemenning resmiy xewer agéntliqi «SABA» ning xewirige asaslanghanda, marib waliysi sultan el arradi xusiy qoralliq unsurlirining yéza we öylerni bombardiman qilishi sewebidin köchüshke mejbur bolghanlar duch kéliwatqan insaperwerlikke zit sharaitlar tüpeyli panahlanghuchilargha jiddiy panahlinish orni qurulushi we yémeklik yardimi qilinishigha alahide yolyoruq chüshürgen.
sultan el arradi maribning juba we wadi nahiyeliri etrapida 55 ming kishining intayin qéyin sharaitta yashawatqanliqini we bular üchün wilayet meblegh salghan 5 yéngi lagérning qurulidighanliqini tekitligen.
xelqara köchmenler teshkilati (IOM) teripidin yemendiki toqunush keltürüp chiqarghan köchmenler mesilisi toghrisida élan qilinghan doklatta, yil béshidin buyan 74 mingdin artuq kishining köchüshke mejbur bolghanliqi bildürülgen idi.
