italiye taratquliri: erdoghan 20 dölet guruhi yighinining heqiqiy ghalibi

italiye taratquliri jumhur reis rejep tayyip erdoghanning hepte axiri rimda ötküzülgen 20 dölet guruhi bashliqlar yighinining «ghalibi» ikenliki qarishini otturigha qoydi.

1728507
italiye taratquliri: erdoghan 20 dölet guruhi yighinining heqiqiy ghalibi

türkiye awazi radiyosi xewiri: italiyening tirazhi yuqiri gézitlirining biri bolghan «korriér délla séra», 20 dölet guruhi bashliqlar yighinigha ishtirak qilghan rehberlerni muhakime qilghan maqaliside, jumhur reis erdoghanni «barliq qiziq témilarning merkizidiki isim» dep atidi.

gézit, bashliqlar yighini jeryanida nurghun rehberlerning erdoghan bilen körüshüshni xalighanliqigha isharet qilip: «sahibxan bilen birlikte 20 dölet guruhining ikkinchi muhim aktiyorigha aylandi. türkiye jumhur reisi eng qizghin nuqtilarning muqerrer söhbetchisi boldi» dédi.

«la wérita» gézitining xewiride: «eger 20 dölet guruhi (yighinining) bir «utquchisi» bolsa, bu belkim rejep tayyip erdoghan bolushi mumkin. bu mubalighileshtürülgen bahamu? undaq bolmasliqi mumkin. rimdiki bashliqlar yighinida, türkiye jumhur reisi üch amildin paydilandi: amérika pirézidénti jo baydinning hem xelqaradiki hemde dölet ichidiki siyasiy ajizliqi؛ xitay-rusiye teripi bu bashliqlar yighinigha qatnashmighachqa, erdoghanning erkin heriket qilish ornigha ige bolushi, üchinchisi, bezi halqiliq mesililerde özining asasliq rol oynighanliqini namayan qilishi» dégen ibarilerge orun bérildi.

«il mésaggéro» gézitining 20 dölet guruhi bashliqlar yighini toghrisidiki xewiride, italiye bash ministiri mariyo diragining bayanatidin kéyin yirikliship qalghan türkiye - italiye munasiwitining, diragi bilen erdoghanning yighin esnasidiki ayrim uchrishishi sayisida yumshighanliqini ilgiri sürdi we bu kirizisning arqida qalghanliqigha isharet qilip: «ongshash kérek bolghan bir ish idi, shundaq boldi» dégenlerni qeyt qildi.

«italiye ishliri» tor béti «bu qétimqi 20 dölet guruhi yighini erdoghan üchün muweppeqiyetlik boldi. u heqiqeten ghelibe qildi» dep yazdi؛  xewerde, sahibxan diragining bashliqlar yighin jeryanida bezi netijilerni qolgha keltürgen bolsimu, emma rusiye we xitayni bu yighingha qatnashturalmighanliqi, bu qétimqi bashliqlar yighinining firansiye pirézidénti émmanuél makron üchün «nachar» ötkenliki ilgiri sürüldi.



مۇناسىۋەتلىك خەۋەرلەر