афғанистан билән пакистан оттурисидики чегра еғизи ечилди
афғанистан билән пакистан оттурисидики спин болдак чегра еғизиниң пийадиләр билән сода аптомобиллириниң өтүшигә ечиветилгәнлики билдүрүлди.
түркийә авази радийоси хәвири: афғанистан таратқулириниң хәвиригә қариғанда, афғанистанниң қәндиһар вилайити спин болдак базири билән пакистанниң балучистан өлкисиниң чәмән шәһири оттурисидики чегра еғизи бир ай тақақ турғандин кейин қайта ечилған.
пакистанниң кабулда турушлуқ баш әлчиси мәнсур әһмәд хан өзиниң иҗтимаий алақә торидики адресида учур һәмбәһриләп, спин болдак чегра еғизиниң пийадиләр вә сода аптомобиллириға ечиветилгәнликини, пакистан һөкүмитиниң 31- декабирғичә афғанистан хәлқидин виза һәққи алмайдиғанлиқини уқтурди.
мәзкур чегра еғизидин (шу йәр вақти) 08:00 дин 16:00 гичә болған арилиқта һәр икки тәрәпкә өтүшниң мумкинлики қәйт қилинди.
икки дөләт оттурисидики муһим чегра еғизлириниң бири болған спин болдак билән торхам чегра еғизлири 8-айдин башлап пакистан вә талибанлар тәрипидин бир қанчә қетим тақилип, қайтидин ечилғаниди.
чегра районлиридики икки дөләт бихәтәрлик қисимлири оттурисида пат – пат йүз берип түридиған җиддийликниң чегра еғизлириниң тақилишини кәлтүрүп чиқириватқанлиқи илгири сүрүлмәктә.
