рәһбәрләр орман кисишни тохтитишқа вәдә бәрди

түркийә авази радийоси хәвири: шотландийәниң гласгов шәһиридә рәһбәрләр «орманлар вә йәр ишлитишкә мунасивәтлик рәһбәрләр хитабнамәси» ни имзалиди.

хитабнамәдә, орманларни вә башқа қуруқлуқ екологийәлик системиларни қоғдаш вә әслигә кәлтүрүшни тезләштүрүш, давамлаштурғили болидиған тәрәққийатни тәшәббус қилидиған сода сийасәтлирини әмәлийләштүрүш, йеза турмушини тәрәққий қилдуридиған бәрдашлиқ бериш иқтидарини ашуруш, йеза игилики вә ашлиқ бихәтәрликини сиҗил илгири сүрүш сийаситини бәлгиләш, йәрлик аһалиләрни қоллаш вә мәбләғ йүрүштүрүшниң хәлқара нишанға мас келишигә капаләтлик қилиш үчүн вәдә бәргәнлики қәйт қилинди.

дунйа йавайи һайванларни қоғдаш фонди (WWF) йәршари орманчилиқ бәлгилимилири рәһбири франс прайс (France Price) хитабнамә тоғрисида байанат елан қилип, орман кесишни тохтитиш вәдисини дәрһал әмәлийләштүрүш керәкликини тәкитлиди.

у: «орманлар, инсанийәт, иқтисадий вә иҗтимаий параванлиқ үчүн интайин муһим болған екологийәлик система хизмәтлирини капаләткә игә қилиду. әмма, орманларниң кишини әндишигә салидиған дәриҗидики йоқилиши давамлашмақта» деди.

у һөкүмәтләрниң қатнишиш, җавабкарлиқни сүрүштүрүш вә очуқ-ашкарилиқни ашуруш арқилиқ йәр вә орман башқурушни йахшилаш салмиқини тезлитиши керәкликини билдүрүп: «биз һөкүмәтләрни бүгүн елан қилинған орман вә йәр ишлитиш вәдисини,  улуғвар,  заманға лайиқ нишанлар вә бу нишанларни назарәт қилиш һәмдә дәлилләш үчүн ортақ очуқ-ашкара болған рамка арқилиқ тамамлашқа чақиримиз. чүнки исрап қилғудәк вақтимиз йоқ» деди.