йапонийә хәлқи бүгүн 49-нөвәтлик авам палатаси (шугин) сайлими үчүн беләт ташлиди
йапонийәдә шу йәрниң вақти әтигән 07:00 дә башланған беләт ташлаш паалийити саәт 20:00 гичә давамлишиду.
түркийә авази радийоси хәвири: йапонийәниң 47 өлкисидә тәхминән 46 миң беләт сандуқи қурулди.
авам палатасидики 465 орундуқтин 289 и, бир орундуқлуқ сайлам районидин бәлгилиниду, қалғанлири болса, 11 районлуқ сайлам райониниң нисбити билән сайлинип чиқиду.
1051 намзат риқабәтлишидиған бу қетимқи сайламда, 233 орундуққа еришкән партийә парламентта көп санлиққа еришкән болиду.
беләт санаш хизмәтлири саәт 20:00 дә сандуқлар тақалғандин кейин башлинип, 1- нойабир әтигәнгичә давамлишиду.
дәсләпки нәтиҗиләр бүгүн елан қилиниши мөлчәрләнмәктә.
йапонийәдә һазирға қәдәр һечқандақ айал баш министирлиққа сайлиналмиған болуп, 2021-йиллиқ бу қетимқи сайламда намзатларниң %17 и, йәни 186 айал намзат риқабәтләшмәктә.
مۇناسىۋەتلىك خەۋەرلەر
туск: дунйа йеңи бир уруш дәвригә қәдәм қойди
полша баш министири доналд туск дунйаниң йеңи уруш дәвригә қәдәм қойғанлиқини оттуриға қойди.