blinkén türkiye jumhuriyiti qurulghanliqining 98-yilliqini tebriklidi

türkiye awazi radiyosi xewiri: amérika tashqi ishlar ministiri antoni blinkén türkiye jumhuriyiti qurulghanliqining 98-yilliqi munasiwiti bilen élan qilghan tebrik télégrammisida: <<bu alahide künde, silerge eng yaxshi tileklirimizni ewetimiz we kelgüsidiki yillarda shériklikimizni kéngeytishni töt köz bilen kütimiz. türkiye jumhuriyiti qurulghanliqining 98-yilliqini tebriklesh bilen birge, amérika namidin türkiye xelqinimu tebrikleymen>> dédi.

u türkiyening natoning muhim ittipaqdishi we amérikaning shériki ikenlikini tekitlep, türkiyening yillardin buyan dawamlishiwatqan dunyadiki qiyinchiliqlarni yingish üchün amérika we xelqaraliq jemiyet bilen birlikte heriket qilghanliqini bildürdi.

u türkiye bilen amérika otturisida uzun yillardin béri dawamlashqan özara munasiwetlirining soda, xewpsizlik we diplomatik hemkarliq üstige qurulghanliqini qeyt qildi.

u axirida, türkiye bilen amérika otturisida nesiller boyiche dawamlashqan munasiwetning intayin muhim qimmetke ige ikenlikini eskertti.