iranning yadro söhbetlirini eslige keltürüsh qarar qilindi

iran muawin tashqi ishlar ministiri eli bakiri awistiriyening paytexti wiyénnadiki yadro kélishimi söhbetlirining noyabirning axirida qaytidin bashlinidighanliqini bildürdi.

1726158
iranning yadro söhbetlirini eslige keltürüsh qarar qilindi

türkiye awazi radiyosi xewiri: bakiri, yawropa ittipaqi tashqi munasiwetler bashqarmisining muawin bash katipi, qoshumche siyasiy ishlar diréktori énrik mora bilen körüshkendin kéyin  twittér supisidiki adrésida bayanat élan qildi.

mora bilen négizlik mesililer toghrisida «estayidil we ijabiy» söhbet ötküzgenlikini bildürgen bakiri, yadro kélishimi söhbitini noyabirning axiridin burun bashlash toghrisida birdeklik hasil qilghanliqlirini, söhbetning konkrét waqtining kéyin élan qilinidighanliqini tekitlidi.

amérika pirézidénti jo baydin wezipige olturghandin kéyin, 6- aprél wiyénnada bashlinip, 6 qétim ötküzülgen yadro kélishimi söhbiti irandiki hökümetning özgirishi sewebidin toxtap qalghanidi.

iran hökümiti söhbetke qaytip kélidighanliqini jakarlighandin kéyin, mora 14-öktebir téhranda iran muawin tashqi ishlar ministiri eli bakiri bilen körüshüp, iran bilen yawropa ittipaqi otturisidiki söhbetni qaytidin bashlighanidi.


خەتكۈچ: #uyghurche , #yadro söhbiti , #iran

مۇناسىۋەتلىك خەۋەرلەر