иранниң йадро сөһбәтлирини әслигә кәлтүрүш қарар қилинди

иран муавин ташқи ишлар министири әли бакири авистирийәниң пайтәхти вийеннадики йадро келишими сөһбәтлириниң нойабирниң ахирида қайтидин башлинидиғанлиқини билдүрди.

1726158
иранниң йадро сөһбәтлирини әслигә кәлтүрүш қарар қилинди

түркийә авази радийоси хәвири: бакири, йавропа иттипақи ташқи мунасивәтләр башқармисиниң муавин баш катипи, қошумчә сийасий ишлар директори енрик мора билән көрүшкәндин кейин  твиттер суписидики адресида байанат елан қилди.

мора билән негизлик мәсилиләр тоғрисида «әстайидил вә иҗабий» сөһбәт өткүзгәнликини билдүргән бакири, йадро келишими сөһбитини нойабирниң ахиридин бурун башлаш тоғрисида бирдәклик һасил қилғанлиқлирини, сөһбәтниң конкрет вақтиниң кейин елан қилинидиғанлиқини тәкитлиди.

америка пирезиденти җо байдин вәзипигә олтурғандин кейин, 6- апрел вийеннада башлинип, 6 қетим өткүзүлгән йадро келишими сөһбити ирандики һөкүмәтниң өзгириши сәвәбидин тохтап қалғаниди.

иран һөкүмити сөһбәткә қайтип келидиғанлиқини җакарлиғандин кейин, мора 14-өктәбир теһранда иран муавин ташқи ишлар министири әли бакири билән көрүшүп, иран билән йавропа иттипақи оттурисидики сөһбәтни қайтидин башлиғаниди.



مۇناسىۋەتلىك خەۋەرلەر