xiroshimagha étilghan atom bombisining eng axirqi shahidi 96 yéshida wapat boldi

amérikaning ikkinchi dunya urushida atom bombisi bilen yaponiyening xiroshima shehirige qilghan hujumida hayat qalghan 96 yashliq sunaw tsuboy wapat boldi.

1726202
xiroshimagha étilghan atom bombisining eng axirqi shahidi 96 yéshida wapat boldi

türkiye awazi radiyosi xewiri: dunyaning  tunji atom bomba hujumi hwsablinidighan we amérikaning |xiroshimagha qilghan hujumida, yeni 1945 – yili 6 awghustta tsuboyning 20 yashta ikenliki bildürüldi.

gerche u uniwérsitétqa kétiwatqanda atom bombisi tashlanghan «nöl nuqta» din 1.2 kilomitir yiraqliqta bolsimu, pütün bedini köyüp ketken idi.

sunaw tsuboy yaponiyediki «atom bombisi we hidrogén bombisi hujumida hayat qalghuchilar» namliq teshkilatning bashliqi bolup wezipe ötimekte idi.

96 yashliq yadro qoralsizlinish paaliyetchisi tsuboyning ailisidikiler uning yürek ritimi qalaymiqanliship, 24-öktebir qaza qilghanliqini élan qildi.

sabiq amérika prézidéntliridin barak obama 2016-yili 27-mayda xiroshima ziyariti jeryanida tsuboy bilen qisqila körüshken idi.

1939-yilidin 1945 – yilighiche bolghan ikkinchi dunya urushining axirqi yilida, amérika yaponiyening xiroshima we nagasaki sheherlirige atom bombisi tashlighan idi.

amérikaning xiroshima we nagasakigha qilghan atom bomba hujumi, yaponiyening teslim bolushigha yol achqan idi.

yaponiyening teslim bolushi bilen ikkinchi dunya urushi resmiy axirlashqan idi.

dunyada tunji bolup atom bombisi ishletken dölet bolush süpiti bilen tarixtin orun alghan amérikaning bu hujumlirida kem dégende 140 ming kishi qaza qilghan idi.

yaponiyelikler bolsa, ikki sheherde qaza qilghanlar sanining 500 minggha yéqinliqini élan qilghan idi.

 



مۇناسىۋەتلىك خەۋەرلەر