кишида йапонийә -ASEAN башлиқлар йиғинида район вәзийити тоғрисида тохталди

йапонийә «әркин вә очуқ һинди - тинч окйан» тәсәввурини әмәлгә ашуруш үчүн шәрқий җәнубий асийа әллири иттипақи — ASEAN билән болған һәмкарлиқни күчәйтишкә вәдә бәрди.

1726187
кишида йапонийә -ASEAN башлиқлар йиғинида район вәзийити тоғрисида тохталди

түркийә авази радийоси хәвири: йапонийә баш вәзири кишида фумио интернет муһитида өткүзүлгән йапонийә - шәрқий җәнубий асийа әллири иттипақи башлиқлар йиғинидин кейин мухбирларни күтүвелиш йиғини өткүзүп, район мунасивити һәққидә тохталди.

у бу қетимқи башлиқлар йиғинида, хитайниң хоңкоң вә уйғур аптоном районидики кишилик һоқуқ вәзийити билән тәйвән боғузиниң тинчлиқ вә муқимлиқ мусаписигә мунасивәтлик әндишиләрниң оттуриға қойулғанлиқи билдүрди.

ташқи ишлар вәзири болуп вәзипигә өтигән 2012 - йилидин 17 - йилиғичә болған җәрйанда, йапонийәниң район билән болған мунасивитини күчәйтиш үчүн күч чиқарғанлиқини байан қилған кишида, 2023 - йилиниң йапонийә - шәрқий җәнубий асийа әллири иттипақи достлуқиниң 50 – хатирә йили икәнликини әскәртти.

у сөзини давамлаштуруп: «бу қетим баш вәзир болуш сүпитим билән, шәрқий җәнубий асийа әллири иттипақи билән техиму қойуқ һәмкарлиқ орнитип, <әркин вә очуқ һинди - тинч окйан> тәсәввурини әмәлгә ашуруш үчүн техиму күчәп тиришимән» дегәнләрни қәйт қилди.

пйоңйаңниң тәһдит характерлик башқурулидиған бомба синақлири, хитайниң район деңиз тәвәликидики күнсери көпийиватқан паалийәтлиридин әндишә қилидиғанлиқини тәкитлигән кишида, шималий корейә гөрүгә еливалған йапонийә пуқралири мәсилисини һәл қилиш үчүн район дөләтлириниң йардәм қилишини тәләп қилғанлиқини ейтти.

у, йапонийәниң ковид – 19 ға қарши күрәштә шәрқий җәнубий асийа әллири иттипақиға әза дөләтләрни 16 милйон қутидин артуқ ваксиниси билән тәминлигәнликини, һәмдә «шәрқий җәнубий асийа әллири иттипақи аммиви сәһийә җиддий әһваллар вә йеңидин оттуриға чиққан кесәлликләр мәркизи» гә 48 милйон доллар ианә қилғанлиқини сөзлиригә илавә қилди.



مۇناسىۋەتلىك خەۋەرلەر