bu yil amérikadiki barliq dinlargha tewe ibadetxanilargha qilinghan hujumlarning nisbiti ashti

2021-yili kirgendin buyan amérikidiki nepret jinayiti nisbiti rékort yaritishqa qarap ilgirilimekte.

1725606
bu yil amérikadiki barliq dinlargha tewe ibadetxanilargha qilinghan hujumlarning nisbiti ashti

 

türkiye awazi radiyosi xewiri: «Axios» tor bétining xewerliride, bu yil amérikadiki yehudiylarning ibadetxaniliridin tartip, buddistlarning butxanilirighiche, katolik chérkawliridin, musulmanlarning jamilirigiche bolghan barliq ibadexanilargha qarita yuqiri derijidiki wandalizm we ot qoyush qatarliq hujumlarning yüz bergenliki bildürüldi.

bügünge qeder igilengen melumatlargha asaslanghanda, 2021-yili amérikidiki nepret jinayiti nisbiti rékort yaritish yolida méngiwatqan bolup, hujumlarning köpinchisi diniy chongchiliq bilen munasiwetlik iken.

xewerde fédératsiye tekshürüsh idarisi (FBI) ning yéngilanghan sanliq melumatlirigha asaslanghanda, 2020- maliye yili doklatida nepret jinayiti sanining 2001-yildiki 11-séntebir weqesidin kéyin yüz bergen islam düshmenliki dolqunidin buyanqi eng yuqiri sewiyege chiqqanliqi bildürülgen.

amérika katolik épiskoplar yighini aldinqi hepte 2020-yili maydin buyan amérikidiki katolik organlirigha qaritilghan 100 nepret herikitining ruyxetke élinghanliqini élan qildi.

yazning béshida kanadada qézil tenlik balilar panahlanghan katolik chérkaw mektepliride ammiwi qebriler tépilghandin buyan, chérkawlargha on nechche qétimdin artuq ot qoyush weqesining yüz bergenliki tekitlendi.

buningdin bashqa yene, dunyaning herqaysi jaylirida yolgha qoyulghan siyaset we xewerlerge téma bolghan bezi weqelerningmu nepret jinayitige nisbeten  qozghatquchi amil boliwatqanliqi uqturuldi.


خەتكۈچ: #nepret jinayiti , #amérika

مۇناسىۋەتلىك خەۋەرلەر