бу йил америкадики барлиқ динларға тәвә ибадәтханиларға қилинған һуҗумларниң нисбити ашти

2021-йили киргәндин буйан америкидики нәпрәт җинайити нисбити рекорт йаритишқа қарап илгирилимәктә.

1725606
бу йил америкадики барлиқ динларға тәвә ибадәтханиларға қилинған һуҗумларниң нисбити ашти

 

түркийә авази радийоси хәвири: «Axios» тор бетиниң хәвәрлиридә, бу йил америкадики йәһудийларниң ибадәтханилиридин тартип, буддистларниң бутханилириғичә, католик черкавлиридин, мусулманларниң җамилиригичә болған барлиқ ибадәханиларға қарита йуқири дәриҗидики вандализм вә от қойуш қатарлиқ һуҗумларниң йүз бәргәнлики билдүрүлди.

бүгүнгә қәдәр игиләнгән мәлуматларға асасланғанда, 2021-йили америкидики нәпрәт җинайити нисбити рекорт йаритиш йолида меңиватқан болуп, һуҗумларниң көпинчиси диний чоңчилиқ билән мунасивәтлик икән.

хәвәрдә федератсийә тәкшүрүш идариси (FBI) ниң йеңиланған санлиқ мәлуматлириға асасланғанда, 2020- малийә йили доклатида нәпрәт җинайити саниниң 2001-йилдики 11-сентәбир вәқәсидин кейин йүз бәргән ислам дүшмәнлики долқунидин буйанқи әң йуқири сәвийәгә чиққанлиқи билдүрүлгән.

америка католик епископлар йиғини алдинқи һәптә 2020-йили майдин буйан америкидики католик органлириға қаритилған 100 нәпрәт һәрикитиниң руйхәткә елинғанлиқини елан қилди.

йазниң бешида канадада қезил тәнлик балилар панаһланған католик черкав мәктәплиридә аммиви қәбриләр тепилғандин буйан, черкавларға он нәччә қетимдин артуқ от қойуш вәқәсиниң йүз бәргәнлики тәкитләнди.

буниңдин башқа йәнә, дунйаниң һәрқайси җайлирида йолға қойулған сийасәт вә хәвәрләргә тема болған бәзи вәқәләрниңму нәпрәт җинайитигә нисбәтән  қозғатқучи амил боливатқанлиқи уқтурулди.



مۇناسىۋەتلىك خەۋەرلەر