америка түркийә тоғрисида байанат елан қилди

америка қошма иштатлири «ортақ муһим нуқтиларда түркийә билән һәмкарлиқ орнитишниң йоллирини издәватқанлиқи»ни билдүрди.

1725003
америка түркийә тоғрисида байанат елан қилди

түркийә авази радийоси хәвири: алдинқи һәптә сода – санаәтчи осман каваланиң қойуп берилишини тәләп қилған баш әлчиләр түнүгүн бир қәдәм кәйнигә чекинип, вийенна әһдинамисиниң 41 – маддисиға ишарәт қилған һалда: «биз силәрниң ички ишлириңларға арилашмаймиз, қанунлириңларға риайә қилимиз» дәп тивиттир учури һәмбәһрилигәндин кейин америка қошма иштатлири байанат елан қилди.

америка ташқи ишлар министирлиқи байанатчиси нед прайс күндилик ахбарат елан қилиш йиғинида, вашингтонниң түркийә билән давамлиқ һәмкарлишидиғанлиқини тәкитләп: «байдин һөкүмити түркийә билән ортақ муһим ишларда һәмкарлишишни халайду вә бир шималий атлантик әһди тәшкилати — нато иттипақдиши болуш сүпитимиз билән, һәрқандақ бир чүшинишмәсликни сөһбәт арқилиқ һәл қилиш йолидин пайдилинишни давамлаштуримиз. йолимизни давамлаштурушниң әң йахши йолиниң мәнпәәт ортақлиқи бар саһәләрдә һәмкарлишиш  икәнликигә ишинимиз, һәмдә түркийә билән нурғун ортақ мәнпәәтимизниң барлиқини билимиз» деди.

прайс американиң әнқәрәдә турушлуқ баш әлчиси давид саттерфилидниң һазирму вәзипә өтәшни давамлаштуруватқанлиқини, өзлириниң җумһур рәис рәҗәп таййип әрдоғанниң әң йеңи байанлирини көргәнликлирини вә американиң дунйа миқйасида қанун билән идарә қилиш вә кишилик һоқуққа һөрмәт қилиш мәсилисини давамлиқ оттуриға қойидиғанлиқини билдүргәндин кейин: «биз 10-айниң 18-күни (каваланиң қойуп берилиши тоғрисидики) байанатимизниң вийенна әһдинамисиниң 41-маддисиға мас келидиғанлиқини оттуриға қойимиз. биз йәр шарида кишилик һоқуққа һөрмәт қилиш үчүн қанун билән идарә қилишни илгири сүрүш ирадимизни қайта тәкитләймиз вә түркийә вә вийенна әһдинамисиниң 41-маддисидики бәлгилимә бойичә дийалогимизни давамлаштуримиз» дегәнләрни қәйт қилди.



مۇناسىۋەتلىك خەۋەرلەر