ефийопийә армийәси тиграй хәлқ азадлиқ фиронтиниң мәшиқ мәркизини бомбардиман қилди

ефийопийә армийәси қозғилаңчи тиграй хәлқ азадлиқ фиронтиға қарши елип бериватқан һава һуҗуминиң иккинчи һәптисидә, фиронтниң бир һәрбий мәшиқ мәркизини бомбардиман қилди.

1725302
ефийопийә армийәси тиграй хәлқ азадлиқ фиронтиниң мәшиқ мәркизини бомбардиман қилди

түркийә авази радийоси  хәвири: ефийопийә учур - алақә ишлири ишханиси байанат елан қилип, тиграйниң пайтәхти мекеллеға йеқин куйхадики бир  һәрбий мәшиқ мәркизиниң бомбардиман қилинғанлиқини уқтурди.

игилинишчә, мәзкур мәшиқ мәркизидә қозғилаңчи тиграй хәлқ азадлиқ фиронтиниң алаһидә қораллиқ унсурлири тәрбийәлинидикән.

ефийопийә армийәси 10-айниң 24-күни қозғилаңчи тиграй хәлқ азадлиқ фиронтиниң тиграй өлкисиниң май требри вә адва районидики йәнә бир мәшиқ мәркизи билән қорал ишләпчиқириш мәркизини бомбардиман қилғанлиқини елан қилғаниди.

йәнә бир тәрәптин, ефийопийә армийәси билән қозғилаңчи тиграй хәлқ азадлиқ фиронти қораллиқлириниң амхара вә афар районидики тоқунушлири давамлашмақта.

 



مۇناسىۋەتلىك خەۋەرلەر