б д т: иран 2020 - йили 250 адәмниң өлүм җазасини иҗра қилди

түркийә авази радийоси хәвири: бирләшкән дөләтләр тәшкилати (б д т)ниң кишилик һоқуқ мәсилиси бойичә иран алаһидә доклатчиси җавид рәһман, б д т омумий кеңиши кишилик һоқуқ комитетида сөз қилип, иранниң өлүм җазасини «кишини әндишигә салидиған дәриҗидә» давамлиқ иҗра қиливатқанлиқини оттуриға қойди.

иранниң 2020-йили төт нәпири кичик бала болуп җәмий 250 дин артуқ мәһбусниң өлүм җазасини иҗра қилғанлиқини билдүргән рәһман, бу йилму тоққуз нәпири айал, бир нәпири кичик бала болуп җәмий 230 кишиниң өлүм җазасиниң йошурун һаләттә иҗра қилинғанлиқини тәкитлиди.

у әң йеңи доклатида, иранниң өлүм җазасини иҗра қилиш сәвәбини изаһлиғанда «мүҗмәл дөләт бихәтәрлик җинайити» дегәндәк еғир әндишиләрни тәкитләватқанлиқини оттуриға қойуп, иранниң «һәтта әң асасий бихәтәрлик тәдбирлириму болмиған әдлийә җәрйаниға игә икәнлики»ни қәйт қилди.