taliban «afghanistan» témiliq yighingha teklip qilinmidi

türkiye awazi radiyosi xewiri: taliban bayanatchisi we waqitliq hökümetning muawin medeniyet ministir wekili zabihullah mujahidi téhran yighinigha hazirche teklip qilinmighanliqlirini bildürdi.

u yighinni afghanistangha paydiliq dep oylaydighanliqlirini qeyt qildi.

iranning kabulda turushluq bash elchisi afghanistanning qoshna döletliri ishtirak qilidighan we téhran hökümiti sahibxanliq qilidighan yighinning 27-öktebir échilidighanliqini uqturdi.

yighingha, pakistan, xitay, tajikstan, türkmenistan, özbékstan we rusiye qatarliq döletlerning wekilliri qatnishidu. yighinda, afghanistanda keng dairilik milliy hökümetning qurulushi we urushni axirlashturush mesililiri muzakire qilinidu.

rusiye paytexti moskwaning sahibxanliqida, 20-öktebir (2021) afghanistan toghrisida yighin ötküzülgen idi. yighingha, rusiye, türkmenistan, qazaqistan, qirghizistan, özbékstan, tajikstan, pakistan, xitay, hindistan we iran qatnashqan idi.

yighingha, taliban afghanistanda qurghan waqitliq hökümetning muawin bashliqi wekili abdulsalam henefi bashchiliqidiki heyet qatnashqan bolup, afghanistanning yéngi hökümitige «keng dairilik hökümet» qurush chaqiriq qilinghan idi.