суданда баш министир вә бирләшмә һөкүмәт рәһбәрлири қолға елинди

суданда бир гуруппа әскәр әтигән тәрәпләрдә баш министир абдуллаһ һәмдук вә бирләшмә һөкүмәтниң шерики болған партийәләрниң рәһбәрлирини қолға алди.

1724359
суданда баш министир вә бирләшмә һөкүмәт рәһбәрлири қолға елинди

түркийә авази радийоси хәвири: суданда бир гуруппа әскәрниң  әтигән тәрәпләрдә баш министир абдуллаһ һәмдук вә бирләшмә һөкүмәтниң шерики болған партийәләрниң рәһбәрлирини қолға елишидин кейин, пайтәхт хартумдики бәзи районларда намайишлар башланди, бәзи йолларда намайишчилар балон көйдүрүп, йолларни тақиди.

судан учур ишлири министирлиқи, игилик һоқуқ кеңишиниң бир қисим әзалири вә өткүнчи һөкүмәтниң бәзи министирлириниң, һәрбий күчләр тәрипидин қолға елинғанлиқини уқтурди.

судандики сийасий партийәләр, һәрбий – сийасий өзгириш тәшәббусидин кейин, пуқрави итаәтсизлик чақирида болди, судан кәспий уйушмилар бирләшмиси болса, хәлқни кочиларға чиқип, намайиш өткүзүшкә чақирди.

игилинишичә, дөләттики һәрбий паалийәтләрдин кейин, интернет вә телефон линийәлиридә үзүлүп қелиш әһваллири көрүлмәктә икән.



مۇناسىۋەتلىك خەۋەرلەر