nigériyede térrorluq teshkilati boko haramgha éghir zerbe bérildi

gherbiy afriqagha jaylashqan nigériyening sherqiy shimalida boko haramgha qarshi qilinghan herbiy herikette, nurghun térrorist öltürüldi.

1724397
nigériyede térrorluq teshkilati boko haramgha éghir zerbe bérildi

türkiye awazi radiyosi xewiri: nigériye hawa armiyesining bayanatchisi édward gabkwét (Edward Gabkwet) yazma bayanat élan qilip, nigériye armiyesining chad köli oymanliqida térrorluq teshkilati boko haramgha qarshi herbiy heriket bashlighanliqini bildürdi.

u hawa bombardimanida térrorluq teshkilatining lagérining weyran qilinghanliqini we nurghun térroristning öltürülgenlikini qeyt qildi.

boko haram térrorluq teshkilati yéqinqi yillardiki herbiy heriketlerning obyékti bolsimu, emma afriqadiki nopusi eng zich dölet hésablinidighan nigériyede muhim bixeterlik mesililiridin biri bolup hésablinidu.

nigériyede 2000-yillarning béshidin tartip mewjut bolup kelgen térrorluq teshkilatining 2009-yildin buyan peyda qilghan keng kölemlik zorawanliq weqeliride, 20 mingdin artuq kishi jénidin ayrildi.

boko haram térrorluq teshkilati 2015-yildin tartip nigériyening qoshnisi kaméron, chad we nigérda her xil hujumlarni peyda qilip keldi. chad köli oymanliqidiki hujumlirida, eng az dégende 2 mingdin artuq kishi jénidin ayrildi.

nigériyede térrorluq hujumliri we toqunushlar sewebidin yüz minglarche kishi yurt-makanliridin ayrilishqa mejbur boldi.



مۇناسىۋەتلىك خەۋەرلەر