нигерийәдә террорлуқ тәшкилати боко һарамға еғир зәрбә берилди

ғәрбий африқаға җайлашқан нигерийәниң шәрқий шималида боко һарамға қарши қилинған һәрбий һәрикәттә, нурғун террорист өлтүрүлди.

1724397
нигерийәдә террорлуқ тәшкилати боко һарамға еғир зәрбә берилди

түркийә авази радийоси хәвири: нигерийә һава армийәсиниң байанатчиси едвард габквет (Edward Gabkwet) йазма байанат елан қилип, нигерийә армийәсиниң чад көли ойманлиқида террорлуқ тәшкилати боко һарамға қарши һәрбий һәрикәт башлиғанлиқини билдүрди.

у һава бомбардиманида террорлуқ тәшкилатиниң лагериниң вәйран қилинғанлиқини вә нурғун террористниң өлтүрүлгәнликини қәйт қилди.

боко һарам террорлуқ тәшкилати йеқинқи йиллардики һәрбий һәрикәтләрниң обйекти болсиму, әмма африқадики нопуси әң зич дөләт һесаблинидиған нигерийәдә муһим бихәтәрлик мәсилилиридин бири болуп һесаблиниду.

нигерийәдә 2000-йилларниң бешидин тартип мәвҗут болуп кәлгән террорлуқ тәшкилатиниң 2009-йилдин буйан пәйда қилған кәң көләмлик зораванлиқ вәқәлиридә, 20 миңдин артуқ киши җенидин айрилди.

боко һарам террорлуқ тәшкилати 2015-йилдин тартип нигерийәниң қошниси камерон, чад вә нигерда һәр хил һуҗумларни пәйда қилип кәлди. чад көли ойманлиқидики һуҗумлирида, әң аз дегәндә 2 миңдин артуқ киши җенидин айрилди.

нигерийәдә террорлуқ һуҗумлири вә тоқунушлар сәвәбидин йүз миңларчә киши йурт-маканлиридин айрилишқа мәҗбур болди.



مۇناسىۋەتلىك خەۋەرلەر