мун җйаен тинчлиқ вә дийалогниң орнитилиши үчүн тиришидиғанлиқини билдүрди

җәнубий корейә пирезиденти мун җйаен вәзипә өтигән муддәттә шималий корейә билән тинчлиқ вә дийалогни орнитиш қилиш үчүн тиришчанлиқ көрситидиғанлиқини билдүрди.

1724432
мун җйаен тинчлиқ вә дийалогниң орнитилиши үчүн тиришидиғанлиқини билдүрди

түркийә авази радийоси хәвири: җәнубий корейә пирезиденти парламентта сөз қилғанда, корейә йерим арилида дийалог вә дипломатийә йоли билән йеңи тинчлиқ тәртипиниң орнитилишиға йардәмчи болуш үчүн ахириғичә тиришчанлиқ көрситидиғанлиқини билдүрди.

җәнубий корейә пирезиденти америка сабиқ пирезидеенти доналд трамп билән шималий корейә рәһбири ким җоңунниң 2018-йили 12-ийундики тунҗи көрүшүшиниң әмәлгә ешишиға йардәм қилғанлиқини, әмма тинчлиқ йолидики тиришчанлиқлириниң техи ахирлашмиғанлиқини қәйт қилди.

америка билән шималий корейә оттурисида йадро музакирәлириниң өткүзүлүшидә муһим рол ойниған мун җйаенниң бәш йиллиқ пирезидентлиқ вәзиписи 2022-йили майда ахирлишиду. өктичиләр пирезидентлиққа сайланғандин тартип корейә йерим арилида иҗабий позитсийәсини намайан қилип кәлгән мун җйаенниң мәзкур пикирлириниң шималдики қошнилириға болған хәлқаралиқ бесимларни аҗизлатқанлиқини әскәртмәктә, әмма қоллиғучилири мун җйаенни тинчлиқниң орнитилиши үчүн тиришқан мурәссәчи сүпитидә қарайду.   



مۇناسىۋەتلىك خەۋەرلەر