нигерийәдә бир түрмидин 575 мәһбус қечип кәтти

нигерийәниң ойо өлкисидә бир түрмигә қилинған қораллиқ һуҗум нәтиҗисидә 575 мәһбус қечип кәтти.

1723981
нигерийәдә бир түрмидин 575 мәһбус қечип кәтти

түркийә авази радийоси хәвири: нигерийә түрмиләрни башқуруш идариси ойо өлкиси байанатчиси оланреваҗу әнҗорин мәтбуатқа бәргән байанатида, түнүгүн кәчтә намәлум қораллиқ унсурларниң аболонго районидики түрмигә қилған һуҗумида, 837 мәһбусниң қечип кәткәнликини ейтти.

оланреваҗу әнҗорин һуҗумдин кейин 262 мәһбусниң қайта назарәткә елинғанлиқини тилға елип, 575 мәһбусниң қачқанлиқини вә буларни тутуш үчүн хизмәтләрниң давам қиливатқанлиқини билдүрди.

оланреваҗу әнҗорин һуҗумда нурғун кишиниң йариланғанлиқиниму әскәртти.

нигерийәниң коги өлкисидиму 13 – синтәбирдә бир түрмигә қораллиқ унсурлар тәрипидин қилинған һуҗумда, 240 мәһбус қечип кәткән иди.



مۇناسىۋەتلىك خەۋەرلەر