америка абдулһәмид әлмәтарниң өлтүрүлгәнликини уқтурди

әлқаидә тәшкилати катибашлиридин абдулһәмид әлмәтарниң сүрийәниң тәл абйад наһийәси сулук базириға йеқин җайда елип берилған һава һуҗумида өлтүрүлгәнлики елан қилинди.

1723785
америка абдулһәмид әлмәтарниң өлтүрүлгәнликини уқтурди

түркийә авази радийоси хәвири: америка армийәси мәркизи қисимлар қоманданлиқи йазма байанат елан қилип, америка қошма иштатлириниң сүрийәниң ғәрбий шималида елип барған һавадин зәрбә бериш һәрикитидә абдулһәмид әлмәтарниң бир тәрәп қилинғанлиқини уқтурғандин кейин: «MQ-9 типлиқ учқучисиз һава аппарати билән елип берилған һуҗумда пуқраларниң талапәткә учриғанлиқи тоғрисида қолимизда һечқандақ учур йоқ» дегәнләрни қәйт қилди.

әлқаидә тәшкилатиниң америка вә униң иттипақдашлириға хәвп пәйда қилишни давамлаштуруватқанлиқиға ишарәт қилинған байанатта: «әлқаидә сүрийәни қайта қуруш, ташқи тәшкилатлар билән маслишиш вә сиртта вәқә пәйда қилишни пиланлаш үчүн бихәтәр панаһлиниш орни қилип ишлитиватиду. әлқаидә йәнә, сүрийәдин сүрийә, ирақ вә униңдин һалқиған тәһдитләрниң мәркизи сүпитидә пайдиланмақта» дегән ибариләргә орун берилди.



مۇناسىۋەتلىك خەۋەرلەر