shimaliy koréye amérikani teywenni perwasizlerche qollash bilen eyiblidi

shimaliy koréye amérikaning teywenni biperwaliq bilen qollash arqiliq rayonda herbiy jiddiychilikni kücheytiwetkenlikini ilgiri sürdi.

1723853
shimaliy koréye amérikani teywenni perwasizlerche qollash bilen eyiblidi

türkiye awazi radiyosi xewiri: shimaliy koréye muawin tashqi ishlar ministiri pak myong xo bayanat bérip, amérika qoshma ishtatlirining teywen boghuzigha urush paraxotlirini ewetishi, teywenni qoral sistémisi we herbiy meshiq bilen teminlishini eyiblidi.

amérika hökümitining teywenni biperwaliq bilen qollap, bu rayondiki herbiy jiddiychilikni kücheytiwetkenlikini tilgha alghan pak, amérikaning bu rayondiki herbiy küchining künséri küchiyishining shimaliy koréyege yoshurun tehdit élip kélidighanliqini éytti.

u, amérikaning shimaliy koréye pütünley xitayning ichki ishi dep qaraydighan teywenge munasiwetlik ishlargha biperwaliq bilen arilishiwatqanliqini ilgiri sürdi.

amérika pirézidénti jo baydin 21-öktebir CNN téléwiziye qaniligha bergen bayanatida, eger xitay hujum qilip qalghan teqdirde teywenni qoghdaydighanliqini éytqanidi.

aqsaray bayanatchisi jén psakitn ötküzgen kündilik muxbirlarni kütüwélish yighinida: «bizning teywen bilen bolghan mudapie munasiwitimiz <teywen munasiwiti qanuni>gha asasen élip bérilmaqta. bu qanungha asasen, amérika teywenge yardem bérish we özining mudapie iqtidarini dawamliq tereqqiy qildurushqa wede bermekte» dégenidi.



مۇناسىۋەتلىك خەۋەرلەر